За да се разбере суштината на менаџментот на човечките ресурси, потребно е, како прво, да се направи преглед на тоа што работаат менаџерите. Повеќето теоретичари и практичари во менаџментот се сложуваат со тоа дека може да се издиференцираат пет основни мена-џерски функции: планирање, организирање, екипирање, водење и контролирање. Овие функции го определуваат процесот на менаџментот, некои од типичните активности опфатени со овие функции вклучуваат:
Планирањето претставува воспоставување на цели и стандарди; развивање на правила и процедури; развивање на планови и предви-дување или проектирање на некои идни појави и случувања.
Организирањето претставува давање на секој подреден опре-делена посебна задача; воспоставување на сектори (департманти); делегирање или овластување на подредените, воспоставување на кана-ли на надреденост (власт) и комуникација; координирање на работата на подредените.
Екипирањето значи одлучување за тоа кои типови на луѓе треба да се предвидат; регрутирање на потенцијални вработени; селектирање или одбирање на вработени; поставување на стандарди на постигања во работата; следење и вреднување на работата на вработените; кон-султанство за вработените; обучување и развивање на вработените.
Водењето значи овозможување на другите (вработените) да ја изв-ршат својата работа, преку оддржување на моралот за работа и нивно мотивирање.
Контролирањето опфаќа поставување на квантитативни стандарди (на пр. квоти на продажба); стандарди на квалитет или нивоа на произ-води; проверување на тоа како тековните изведби и постигања се одне-суваат споредено со овие стандарди; преземање на корективни актив-ности ако е потребно.
Едната од овие функции, а тоа е екипирањето или како што уште се вика персоналниот менаџмент, е основата на која се развива менаџментот на човечки ресурси. Менаџментот на Човечки ресурси се однесу-ва на праксата и политиките што менаџерите треба да ги постават и извршат преку луѓето (вработените), односно на персоналните аспекти на работата на менаџерите. Тоа вклучува:
§ Спроведување на анализа на работата или определување на природата на работата на секој вработен;
§ Планирање на потребите за работа и регрутирање на кандидати (потенцијални вработени);
§ Селектирање или избирање на вработени;
§ Менаџирање на заработките (плати, надоместоци и награди или бонуси), односно како да се компензира работата на вработените;
§ Стекнување на придобивки;
§ Оценување на изведбите на вработените;
§ Комуницирање
§ Обучување и напредување во работата (личен, професи-онален и кариерен развој)
§ Градење на чувство за припадност кај вработените и пос-ветеност на работата (commitment).
No comments:
Post a Comment