Производот претставува физички(материјален) резултат од дејноста на произвотственото претпријатие.Низ сегашниот вкупен развој на производот, неговите карактеристики и намена минуваат низ повеќе фази. Така во неутралното производство производот, посматран низ употребениот квалитет е цел на таа економија. Врската меѓу производството и потрошувачката е најнепосредна: се произведува за да се троши и тоа за да троши самиот производител, односно неговото семејство. Употребените квалитети на производот се ориентирани кон неговите потреби и на тој начин се издиференцирани и неговите карактеристики........ Природата на производот го има само оној производен резултат кој го поседува како барана употребна вредност. При определени услови производот станува стока која покрај употребната вредност има и определена вредност. Таквата вредност производот ја стекнува како стока во простото стоковно производство во кое производите имаат определена употребна вредност, која како вишок на труд, по задоволувањето на потребите, се нуди на пазарот. Во оваа фаза на развојот производите имат две особини:
1) тие се производи со карактеристики кои се конвенционално признати, така што можат да се разменуваат без присуство поради стандарните особини и
2) производите се доволно издиференцирани и можат да задоволат потреби на поголем број корисници.
Во маркетингот производот се дефинира како" се она што може да се понуди на пазарот за да се предизвика внимание, купување, употреба или потрошачка, а што може да задоволи некоја желба или потреба."
Поголемиот број производи се јавуваат во физички облик, но еден дел од нив претставуваат услуги кои, исто така се производи(услужни производи). Производи се и луѓето , местото, организацијата па дури и некоја замисла. Од таму и воопшто може да се каже дека производите се се она што може да ја сочува понудата, вклучувајќи физички предмети , услуги, луѓе , места , организации и идеи.
Производот има неколку нивоа:
1) првото ниво и основно е основната корист, основната услуга, односно она што купувачот вистински купува. Тоа значи дека производот треба да ги содржи вистинските карактеристики да ја задоволи основната потреба поради која се купува
2) второто ниво претставува генералниот производ , односно основната верзија на определен производ кој ќе ја задоволи основната потреба
3) третото ниво е очекуваниот производ, односно производот да ги содржи карактеристиките и условите што купувачите ги очекуваат при купување на некој производ
4) четврото ниво претставува збогатен производ , односно производ што вклучува дополнителни услуги и користи, по што понудата ќе се разликува од понудата на конкуренцијата
5) последното ниво претставува потенцијален производ, односно измени на производот што можат да се превземат во иднина.
Секој производ, без оглед на тоа во каков облик се појавува, треба да задоволи определена потреба . потребата пак се задоволува со она што го нуди производот , тоа е услугата. Оттаму и производите кои се јавуваат во физичка смисла, потребата ја задоволуваат со услугата што ја даваат.
Колку производот поцелосно одговара на замислената или вистинската претстава на купувачот во процесот на задоволување на потребите, толку повеќе претпријатието ќе остварува поповолни финансиски и др резултати.
Во маркетингот концепцијата на работењето во фокусот се наоѓа потрошувачот , а основната цел на претпријатието е да задоволи некои потреби.
Во услови на конкурентски услови на пазарот и динамичната измена на потребите кои притоа не постојат за определени конкретни производи, претпријатието мора да понуди производ кој со своите карактеристики е конкурентен, односно има определени диференцијални предности кои ќе го привлечат купувачот. Затоа на производот особено во последниве децении , му се посветува големо внимание кое произлегува .
1) се поголемиот степен на иновација во областа на производните и технолошките постапки при што доаѓа до намалување на животниот век на производот. Во такви услови ако претпријатието- производител нема соодветна маткетинг политика на производот , при планирањето и развојот на маркетингот , може да се најде во тешки услови поради застарување на производите и побрзиот развој на конкурентските претпријатија , а со тоа претпријатието нема да го оправда своето постоење во задоволувањето на општествените потреби преку производот, кои не се имагинирани, туку се изразуваат конкретно. Затоа, не може претпријатието да смета дека ја остварува својата функција, ако не произведува такви производи кои задоволуваат вистински потреби.
2) производот добива се поголемо значење поради пренесувањето на конкуренцијата од класичните облици(по пат на цени) на овој инструмент на маркетингот со кој се обезбедува учество на пазарот како основен индикатор за степенот на успешноста на работењето.
3) од карактеристиките на производот, условени се и другите инструменти на маркетингот. Така, за дистрибуција е мошне значајно производот да има такви особини кои ќе овозможат процесот на движење до потрошувачот да се оствари што понепосредно и со помали трошоци, да се обезбеди структурирање на соодветен продажен асортиман, да се олесни физичката дистрибуција и сл.
Производот како средство со кое се комуницира со потрошувачите, служи да се остварат целите и на производствените претпријатија и на потрошувачите.
Се смета дека преку производот потрошувачите остваруваат два вида на цели:
- инструментални, односни такви цели со кои производот задоволува определени потреби во физичка смисла преку употребената вредност, што е основно значајно кај производителите на производи за производно- услужна потрошувачка
- психолошки цели, кои произлегуваат од употребната вредност, но и до низа психолошки димензии во поглед на поседувањето и симболичките белези, кои се од големо значење особено за некои групи производи за лична потрошувачка.
